Hlusta

Bíó Tvíó #95 – Órói

In by admin42

Þroskasaga unglinga í leikstjórn Baldvin Zetu er til umfjöllunar í Bíó Tvíó vikunnar. Andrea og Steindór horfðu á Óróa frá 2010 og fylgdust með lífi framhaldsskólabusa að fóta sig í tilverunni. En er góð hugmynd að gera eitthvað jákvætt fyrir sjálfan sig? Hvernig er að vinna í 10-11? Og er sniðugt að borða heilan hvítlauksgeira? Allt þetta og konfekt í Bíó Tvíó vikunnar!

admin42Bíó Tvíó #95 – Órói
Hlusta

Bíó Tvíó #94 – Foreldrar

In by admin42

Seinni hluti svart-hvíta fjölskyldutvíleiks Ragnars Bragasonar og Vesturports, Foreldrar, er tekin fyrir í Bíó Tvíó vikunnar. Andrea og Steindór horfðu á mynd um barneignir og skort þar á með smávægilegar tengingar við Börn. En hvað styrkir ónæmiskerfið? Hvort kom á undan, hænan eða eggið? Hvernig virkar sjálfsfróun? Allt þetta og húfur sem hlæja í Bíó Tvíó vikunnar!

admin42Bíó Tvíó #94 – Foreldrar
Hlusta

Fillifjónkan 28. þáttur – Brúðkaupsþátturinn

In by admin42

Júlía og Lára eru mættar til að fagna haustkomu með heimspekilegum hugleiðingum um brúðkaup,
Madonnu, skáldsögur og prumpaðar rjómakúlur.

Hin fullorðna Lára segir frá áformum sínum um að ganga í hnappelduna með tæknimanni þáttarins,
það er að segja ef brúðarkjóllinn hennar kemst óskaddaður á leiðarenda í tæka tíð.
Júlía, sem er opinberlega komin á fertugsaldur, hefur ákveðið að hætta á instagram, fá sér
barbíbleikan varalit og bláan augnskugga.

admin42Fillifjónkan 28. þáttur – Brúðkaupsþátturinn
Hlusta

Bíó Tvíó #93 – Strákarnir okkar

In by admin42

Strákarnir okkar, kvikmynd um samkynhneigðan knattspyrnumann í leikstjórn Róberts Douglas, er til umfjöllunar í Bíó Tvíó vikunnar. Andrea og Steindór reyna að átta sig á því hver félagsleg staða samkynhneigðra var árið 2005 í metlöngum þætti. En á Steindór að hætta að drekka? Hvað er málið með gaura sem fíla Seinni heimsstyrjöldina? Er í lagi að vera graður ef maður bjargar mannslífum? Allt þetta og Knattspyrnufélag Reykjavíkur í Bíó Tvíó vikunnar!

admin42Bíó Tvíó #93 – Strákarnir okkar
Hlusta

Bíó Tvíó #92 – Veggfóður

In by admin42

Költmyndin Veggfóður (1992) í leikstjórn Júlíusar Kemp er tekin fyrir í Bíó Tvíó vikunnar. Andrea og Steindór horfðu á erótíska ástarsögu og kynningu á hljómsveitinni Pís of Keik. En hvaða teiknimyndir eru viðeigandi fyrir hvaða börn? Verður í lagi að sofa hjá vélmennum í framtíðinni? Hvernig var ferill Merzedes Club? Allt þetta og pervertar í Bíó Tvíó vikunnar!

admin42Bíó Tvíó #92 – Veggfóður
Hlusta

Bíó Tvíó #91 – Gauragangur

In by admin42

Gauragangur, kvikmynd Gunnars B. Guðmundssonar frá 2010, um 15 ára skáld og sjálfsfróara er til umfjöllunar í Bíó Tvíó vikunnar. Andrea og Steindór töluðu um myndir um sniðuga gaura sem eru vondir við alla og læra ekkert. En hvers konar árás lenti Andrea í? Hvort var betra á tónleikum Britney Spears eða Solange? Hvað er spunnið í textann í Heims um ból? Allt þetta og lífskúnstnerar í Bíó Tvíó vikunnar!

admin42Bíó Tvíó #91 – Gauragangur
Hlusta

Bíó Tvíó #90 – Frost

In by admin42

Nú er Frost á Fróni… og í Bíó Tvíó vikunnar! Andrea og Steindór horfðu á 72 mínútur af „found footage“ vísindatrylli Reynis Lyngdal og lærðu um frummyndakenningu Platóns. En hvað finnst þeim raunverulega um fólk sem býr á Íslandi? Hvernig eru hermar miðað við alvöru veltur? Og við hvað er Steindór hræddur? Allt þetta og rassinn á Andreu í Bíó Tvíó vikunnar!

admin42Bíó Tvíó #90 – Frost
Hlusta

Bíó Tvíó #89 – Kaldaljós

In by admin42

Ingvar E. og börnin hans eru í fyrirrúmi í kvikmynd Hilmars Oddssonar frá 2004, Kaldaljós. Andrea og Steindór horfðu á yfirnáttúrulega sögu á tveimur tímalínum og veltu fyrir sér hvernig er að gera kvikmyndir upp úr bókum. En hvernig er Tom Cruise í því að hlaupa? Hvað er best að gera til að losna við popp úr góminum? Hvernig á reglan um hlutfallslega yfirburði við Kristbjörgu Kjeld? Allt þetta og ágæti náttúruhamfara í Bíó Tvíó vikunnar!

admin42Bíó Tvíó #89 – Kaldaljós
Hlusta

Bíó Tvíó #88 – Óðal feðranna

In by admin42

Óljós pólitík Hrafns Gunnlaugssonar teiknar upp sveit-í-borg klassíkina Óðal feðranna frá 1980. Andrea og Steindór veltu fyrir sér hvort myndin sé sú Bíó Tvíó-legasta sem þau hafa horft á hingað til. En hvaða listamannsnöfn eru góð? Hver vill stofna brauðtertufyrirtæki? Og hvenær skýn Hrafn Gunnlaugsson í gegnum myndina? Allt þetta og hestapyntingar í Bíó Tvíó vikunnar!

admin42Bíó Tvíó #88 – Óðal feðranna