fillifjonkanLogo

Fillifjónkan 25. þáttur – Eyðimerkurhipsterar

In by admin42

Það eru páskar hjá Fillifjónkunni sem hefur súkkulaðiegg við hönd í upptökum dagsins.

Lára gefur Júlíu málsháttinn “Fjörður milli frænda, en Kattegat á milli kúkalabba.”

Júlía í Los Angeles segir frá sínum eigin aldingarði í nýja húsinu þar sem kúmkvat vex á runna fyrir utan gluggann, útsýni er yfir Vísindakirkjuna og kólibrífuglar flögra um. Hún trúir hlustendum fyrir sorgarsögunni af eyðimerkurhipsterunum sem fundu innri frið og namaste á úlfaldabaki, kölluðu Júlíu tómhyggjurottu og föðmuðu hana svo.

Minjavörðurinn Lára í Stokkhólmi rifjar upp þegar hún bauð skelkuðum börnum í konungshöll í Svíþjóð óvart upp á grillaðan kjúkling með derhúfu. Hún segir frá dúllulegri sænskri hefð, hvernig svíar heiðra árlega nornirnar sem fóru í orgíu með kölska á meðan Jesú hékk á krossinum.

Söguleg stund í Fillífjónkunni þegar Júlía fyrirgefur Láru loksins fyrir að hafa dregið sig á Passion of the Christ í bíó á þeim forsendum að þetta væri Jesus Christ superstar tvö.

Fillifjónkan sendir shoutout á hórurnar í Babýlon, og hvetur hlustendur til að senda inn uppáhalds Barrabassöguna sína.

admin42Fillifjónkan 25. þáttur – Eyðimerkurhipsterar