Hlusta

Bíó Tvíó #90 – Frost

In by admin42

Nú er Frost á Fróni… og í Bíó Tvíó vikunnar! Andrea og Steindór horfðu á 72 mínútur af „found footage“ vísindatrylli Reynis Lyngdal og lærðu um frummyndakenningu Platóns. En hvað finnst þeim raunverulega um fólk sem býr á Íslandi? Hvernig eru hermar miðað við alvöru veltur? Og við hvað er Steindór hræddur? Allt þetta og rassinn á Andreu í Bíó Tvíó vikunnar!

admin42Bíó Tvíó #90 – Frost
Hlusta

Bíó Tvíó #89 – Kaldaljós

In by admin42

Ingvar E. og börnin hans eru í fyrirrúmi í kvikmynd Hilmars Oddssonar frá 2004, Kaldaljós. Andrea og Steindór horfðu á yfirnáttúrulega sögu á tveimur tímalínum og veltu fyrir sér hvernig er að gera kvikmyndir upp úr bókum. En hvernig er Tom Cruise í því að hlaupa? Hvað er best að gera til að losna við popp úr góminum? Hvernig á reglan um hlutfallslega yfirburði við Kristbjörgu Kjeld? Allt þetta og ágæti náttúruhamfara í Bíó Tvíó vikunnar!

admin42Bíó Tvíó #89 – Kaldaljós
Hlusta

Bíó Tvíó #88 – Óðal feðranna

In by admin42

Óljós pólitík Hrafns Gunnlaugssonar teiknar upp sveit-í-borg klassíkina Óðal feðranna frá 1980. Andrea og Steindór veltu fyrir sér hvort myndin sé sú Bíó Tvíó-legasta sem þau hafa horft á hingað til. En hvaða listamannsnöfn eru góð? Hver vill stofna brauðtertufyrirtæki? Og hvenær skýn Hrafn Gunnlaugsson í gegnum myndina? Allt þetta og hestapyntingar í Bíó Tvíó vikunnar!

admin42Bíó Tvíó #88 – Óðal feðranna
Hlusta

Bíó Tvíó #87 – XL

In by admin42

Ólafur Darri er larger-than-life stjórnmálamaður og drykkjurútur í kvikmynd Marteins Þórssonar XL frá 2013. Andrea og Steindór horfðu á myndina, reyndu að púsla saman ólínulegum og óáreiðanlegum söguþræðinum og ræddu meðvirkni Íslendinga. En hvernig var þegar Ólympíulið karla í handbolta kom heim með silfrið? Hvernig er að vera sleginn í rassinn? Og fjallar kvikmyndin Twister (1996) um kyngervi og eyðileggingarmátt kynfæra? Allt þetta og „swamp ass“ í Bíó Tvíó vikunnar!

admin42Bíó Tvíó #87 – XL
Hlusta

Fillifjónkan 27. þáttur – Strigaskór og stripparahælar

In by admin42

Júlía (sveitt ungskáld sem horfir á raunveruleikaþætti og grætur af skömm) tók svefntöflutripp í flugi og hætti að vera hrædd en byrjaði að elska allt samferðafólk sitt í fluginu.

Lára (minjavörður með sál sem var fyrst uppi fyrir Krist) segir tragíska sögu af sjálfri sér í Amsterdam þegar hún lenti í höfrungaárás á miðju torgi. Júlía varð fyrir samskonar árás í Vín þegar maður í mörgæsabúning reyndi að draga hana í óperuna.

admin42Fillifjónkan 27. þáttur – Strigaskór og stripparahælar
Hlusta

Bíó Tvíó #86 – Löggulíf

In by admin42

Líf-þríleikur Þráins Bertelssonar kláraður í Bíó Tvíó vikunnar! Andrea og Steindór horfðu á Löggulíf og veltu fyrir sér hvernig þessar þrjár myndir komu út á jafn mörgum árum. En hvað er málið með íslenskt konfekt og osta? Hvernig fór brúðkaup systur Steindórs? Og hvað einkennir frasamyndir? Allt þetta og Love Actually í Bíó Tvíó vikunnar!

admin42Bíó Tvíó #86 – Löggulíf
Hlusta

Bíó Tvíó #85 – Algjör Sveppi og Gói bjargar málunum

In by admin42

Andrea og Steindór klára Sveppa-fjórleikinn í Bíó Tvíó vikunnar. Algjör Sveppi og Gói bjargar málunum er nýjasta myndin frá 2014, en hvar stendur hún í samanburði við hinar þrjár? Og hvernig fara heiðin brúðkaup fram? Hvað er hægt að gera við sveittum rass? Og hvernig losar maður sig úr prísund? Allt þetta og Sprite í horni í Bíó Tvíó vikunnar!

admin42Bíó Tvíó #85 – Algjör Sveppi og Gói bjargar málunum
Hlusta

Bíó Tvíó #84 – Eins og skepnan deyr

In by admin42

Fyrsta kvikmynd Hilmars Oddssonar, Eins og skepnan deyr, er tekin fyrir í Bíó Tvíó vikunnar. Andrea og Steindór horfðu á íslenskt Shining-plott í afskekktum firði á Austurlandi. Er hægt að mótmæla bandarískum stjórnmálum sem ferðamaður? Hvaða pokémon býr í Bandaríkjunum? Er að vera Íslendingur eins og að spila golf? Allt þetta og Ævintýri Hróðmars heiðarlega í Bíó Tvíó vikunnar!

admin42Bíó Tvíó #84 – Eins og skepnan deyr
Hlusta

Bíó Tvíó #83 – Afinn

In by admin42

Afinn frá 2014 í leikstjórn Bjarna Hauks Þórssonar er til umfjöllunar í Bíó Tvíó vikunnar. Andrea og Steindór veltu fyrir sér titli myndarinnar og hvað sé skemmtilegt við gamlingja-klisjur. En hvað er hollur matur? Er Andrea vampíra? Hvernig eru Mission: Impossible myndirnar? Allt þetta og mamma Steindórs í Bíó Tvíó vikunnar!

admin42Bíó Tvíó #83 – Afinn
Hlusta

Fávitinn 3. þáttur

In by admin42

Loksins er hann kominn, 3. þáttur Fávitans, sem allir hafa beðið eftir óþreyjufullir með öndina í hálsinum. Víkingur og Ólafur Darri taka stöðuna og ræða meðal annars HM SVINDL og veðrið. Aðalgestur þáttarins er hinn stórskemmtilegi svarti sauður íslenska útvarpsins, Andri Freyr Viðarsson. Spjallið við hann eru engin vonbrigði, það er eins og við var að búast alger snilld!

admin42Fávitinn 3. þáttur